O Camiño Francés abandona
Palas polo Campo dos Romeiros, tradicional lugar de encontro de
peregrinos, para entrar na aldea medieval do Leboreiro. Entre O
Leboreiro e Melide, cruza a aldea de Furelos e o seu río a través
dunha ponte medieval para entrar na zona urbana de Melide.
O Camiño Francés abandona Palas
de Rei cruzando a estrada xeral ata entrar nun camiño que conduce
ata Carballal e logo a San Xulián, bonita aldea cunha igrexa e un
cruceiro de interese.
Tras unha serie de baixadas e
subidas chégase á Ponte Campaña, e máis adiante a Casanova.
Séguese o camiño ata cambiar de provincia, deixando Lugo atrás e
entrando na Coruña polo Coto para ir baixando ata O Leboreiro.
Continua despois o carreiro
cruzando pequenas aldeas e o que parece unha zona industrial, á
beira da estrada xeral, antes de volver internarse no bosque para
chegar á ponte medieval de Furelos, pola que se chega a Melide,
considerada unha das xoias da arquitectura civil do Camiño Francés.
